სათაფლიის კარსტული მღვიმე იმერეთში ქუთაისთან ახლოს, ქალაქის ჩრდილო- დასავლეთით მდებარეობს, 6 კილომეტრის დაშორებით.იგი დერეფნული ტიპისაა,აქვს განშტოებებიც,სათაფლიის მღვიმე როგორც ცნობილია აღმოაჩინა ქუთაისელმა მხარეთ მცოდნემ პეტრე ჭაბუკიანმა. ნაკრძალის ტერიტორიაზე, შემონახულია გეოლოგიურ ხანაში გადაშენებულ ცხოველთა_დინოზავრების ნაკვალევი.
როცა სათაფლიის სახელმწიფო ნაკრძალის კეთილმოწყობა დასრულდა, ძალიან დიდი სურვილი მქონდა განახლებული სათაფლიის ნახვის. წავედი…გზაში ბევრს ვფიქრობდი როგორი იქნებოდა შეცვლილი სათაფლიის ნაკრძალი, მივედი თუ არა იმ წუთშივე მომხვდა თვალში სიახლე, იქ სადაც ღია ცის ქვეშ,ეზოს შესასვლელში ახლოს, ვნახულობდით დინოზავრის ნაკვალევს, აღმართული დამხვდა საკონსერვაციო ულამაზესი ნაგებობა.
მივაბიჯებდი ნაკრძალის ბილიკებზე და ვფიქრობდი, როგორ შეიცვალა ყველაფერი მას შემდეგ, როცა მე და ჩემი მეგობრები წლების წინ ლაშქრობაზე მოვდიოდით ხოლმე, დრო ხომ თავის კვალს ყველგან ტოვებს.
ეზოში განათების ბოძებზე ორიგინალური ფორმის გამნათებლებია მიმაგრებული, ასევე იმ ემოციას ვერ გადმოგცემთ, როდესააც სიმაღლეზე გადებულ მინის გადასახედზე გავიარე, მცირეოდენი შიში იმდენ დადებით ენერგიას მაძლევდა ვერ აღვწერ.
საოცარი სანახაობაა როდესაც მღვიმეში შეაბიჯებ და თვალს მოგჭრის ფერადი განათება რომელიც სტალაქტიტებს ამშვენებს. მიწისქვეშა საოცრად ლამაზი სამყარო გაძლევს იმის საშუალებას რომ დადებითი ენერგიით აივსო, დაივიწყო ცუდი და მხოლოდ ამ სილამაზეზე იფიქრო.
სამწუხაროდ მალევე მომიწია სახლში დაბრუნება, ალბათ ბევრი რამის ნახვა კიდევ ვერ მოვასწარი (თუმცა,დრო ბევრია) , იმედია მალე ისევ წავალ, იქ ხომ ვერ მოიწყენ, იქ სხვა გარემოა, რომელიც გამშვიდებს, სადაც ამაყობ რომ ქართველი ხარ, რომ შენს ქვეყანას გააჩნია ასეთი სიმდიდრე…
ნახე შენც…
levan25
sataflia qutaisis siamayea, kargia momewona statia
ReplyDeletemadloba:))___rac sheexeba sataflias martlac rom saqartvelos siamayea,dzalian lamazia
ReplyDeletemiuxedavad imisa rom tafliani tvit namcxvaric ar miyvars :))))))) dzalian maxarebs satafliis restavracia ;) isic misasalmebelia,rom postav da postav saintereso temebs :)))))))))
ReplyDeletemadloba jeni...:))))
ReplyDelete